Ц.Содномдоржийн барилдах эрхийг 4 сараар хаслаа

А.Тэлмэн
2014 оны 2-р сарын 12 -нд

Монголын Үндэсний Бөхийн Холбооны тэргүүлэгчид 2014 оны хоёрдугаар сарын 11-ний өдөр ээлжит хурлаа хийлээ.
Хурлаар Модон морин жилийн сар шинийн баярт зориулсан барилдааны зургаагийн даваанд өвдөг шороодсоныхоо дараа учраа бөхийнхөө гарыг хөшиж, дүрэм зөрчин, жудаггүй зан гаргасан Хөвсгөл аймгийн Тосонцэнгэл сумын харьяат улсын харцага Цэдэвийн Содномдоржийн барилдах эрхийг дөрвөн сарын хугацаатайгаар хасав.
Монголын Үндэсний бөхийн барилдааны дүрмийн 7.3-ын "б" заалтын дагуу нэг сар, 7.3-ын "г" заалтын дагуу гурван сар, бүгд дөрвөн сарын хугацаатайгаар түдгэлзүүлэх шийдвэр гаргалаа. Энэхүү шийтгэлтэй байх хугацаанд МҮБХ-ноос албан ёсоор зохион байгуулж байгаа болон улс орон даяар зохиогдож буй бүх барилдаанд барилдахгүй юм.

МУИС-ийн оюутан Т.Түмэндэмбэрэл

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна